ஒரு பொறியியல் கல்லூரியில் படிக்கும் மூன்று நண்பர்கள் அவர்கள் அங்கு சந்திக்கும் பிரச்சனைகளை மையமாகக் கொண்டு படம் எடுக்கப்பட்டுள்ளது.
நடிகர்கள் :
விஜய் - கோசக்ஸி பசபுகாஜ் / பஞ்சவன் பரிவேந்தன் / பப்பு
ஜீவா - செவர்கோடி செந்தில்
ஸ்ரீகாந்த் - வெங்கட் ராமகிருஷ்ணன்
இலியானா டி க்ரூஸ் - ரியா
சத்யன் - ஸ்ரீவத்ஸன்
அனுயா பகவத் - ஸ்வேதா
எஸ்.ஜே.சூர்யா - பஞ்சவன் பரிவேந்தன்
சத்தியராஜ் - விருமாண்டி சந்தனம்
சென்னையில் உள்ள பிரபல ஐடியல் பொறியியல் கல்லூரியில் வெங்கட் ராமகிருஷ்ணன், செவர்கோடி செந்தில் மற்றும் பஞ்சவன் பரிவேந்திரன் ஆகிய மூவரும் சேர்ந்து கல்லூரியில் இருக்கும் விடுதியில் தங்களுக்கு ஒரே அறையை பகிர்ந்து கொள்கின்றனர். இதில் பஞ்சவன் பரிவேந்திரன் மிகவும் பணக்கார குடும்பத்தைச் சார்ந்தவர். மேலும் அவருக்கு இயந்திரங்கள் மற்றும் தொழில்நுட்ப சாதனங்கள் மீதான ஆர்வத்தால் இந்த பொறியியல் துறையை தேர்வு செய்கிறார். வெங்கட் ஒரு சாதாரண மிடில் கிளாஸ் குடும்பத்தைச் சேர்ந்தவர். அவருக்கு புகைப்படத் துறையில் ஆர்வம் அதிகம். அனால் குடும்ப சூழ்நிலை காரணமாகவும் தந்தையின் வற்புறுத்தலால் பொறியியல் துறையை தேர்வு செய்கிறார்.
அதே சமயம் மிகவும் ஏழையாக இருக்கும் செந்தில், தனது குடும்பத்தின் நிதி நிலைமையை மேம்படுத்தவும், தனது சகோதரியை திருமணம் செய்து வைக்கவும் பொறியியல் துறையை தேர்வு செய்கிறார். மேலும் பாரி பொறியியல் படிப்பை இஷ்டப்பட்டு படிக்க வேண்டும் அப்படி படித்தால் தான் வெற்றி நம்மை தேடிவரும் என்னும் சித்தாந்தத்தை பின்பற்றுகிறார். மேலும் இவர் பின்பற்றும் இந்த அணுகுமுறையை அந்த கல்லூரியின் பேராசிரியர் விருமாண்டி(வைரஸ்) கேலி செய்கிறார். மேலும் அவருடன் இருந்த மற்ற ஆசிரியர்களும் வகுப்பில் புரிதலைக் காட்டிலும் கற்றலே சிறந்தது என்னும் அணுகுமுறையை பின்பற்றும் ஸ்ரீவத்ஸன் என்னும் சைலன்சருக்கு ஆதரவளிக்கிறார்கள். அவர் கார்ப்பரேட் நிறுவனங்களின் உயரிய பதவிகளை அடைய விடாமுயற்சியுடன் பாடுபடுகிறார். அவ்வாறு படிப்பதால் ஏற்படும் பிரச்சனைகளை பாரி எடுத்து கூற முயலும்போது வகுப்பில் அனைவரும் இவருடைய அணுகுமுறையை கண்டு வியக்கின்றனர்.
கல்லூரி பேராசிரியரான விருமாண்டிக்கு ஸ்வேதா மற்றும் ரியா இரண்டு மகள்கள் உள்ளனர். இதில் முதல் மகள் ஸ்வேதாவின் திருமண வரவேற்பிற்கு செல்லும் பாரி, செந்தில் மற்றும் வெங்கட் ஆகியோர் ரியாவை சந்திக்கின்றனர். அங்கு அவர்கள் செய்யும் கலாட்டாவை ரியா அவரது தந்தை வைரஸிடம் கூறிவிடுகிறார். இதனால் ஆத்திரமடைந்த பேராசிரியர் வைரஸ் கல்லூரியில் மூவரையும் அழைத்து அறிவுரை வழங்குகிறார். மேலும் செந்திலின் குடும்ப சூழ்நிலையை எடுத்துரைத்து பாரியிடமிருந்து விலகி இருக்குமாறு கூறுகிறார்.
எனினும் வெங்கட் பாரியின் மீதுள்ள நம்பிக்கையால் பாரியுடனே இருக்கிறார். பின்னர் முடங்கியிருந்த செந்திலின் தந்தையை பாரி ரியாவின் ஸ்கூட்டரில் ஏற்றிக்கொண்டு சென்று காப்பாற்றியதால் செந்தில் பாரியை நம்புகிறார். மேலும் இந்நிகழ்வின் மூலம் ரியாவிற்கு பாரியின் மீது ஒரு ஈர்ப்பு ஏற்படுகிறது. கல்லூரியில் முதல் தேர்வு முடடிவுகள் வெளியாகிறது. இதில் பாரி முதல் மதிப்பெண் பெற்று அனைத்து மாணவர்கள் மற்றும் ஆசிரியர்களின் கவனத்தையும் தன்பக்கம் ஈர்க்கிறார். வெங்கட் மற்றும் செந்தில் இருவரும் ஆகிய இருவரும் கடைசி இடத்தை பிடிக்கின்றனர்.
இப்படியாக திரைக்கதை மெல்ல நகர்கிறது. மூன்று ஆண்டுகளுக்குப் பிறகு பரி வெங்கட் மற்றும் செந்தில் ஆகியோர் வைரஸின் வீட்டிற்குள் நுழைந்து ஒரு இரவு குடித்துவிட்டு ரகளையில் ஈடுபடுகின்றனர். மேலும் குடிபோதையில் இருக்கும் வெங்கட் மற்றும் செந்தில் இருவரும் தப்பி ஓடுவதற்கு முன்பு நுழைவுவாயிலில் உள்ள கதவில் சிறுநீர் கழிக்கின்றனர். இதனால் கோபமடைந்த வைரஸ் செந்திலை அழைத்து விசாரணை நடத்துகிறார். அப்போது தனது நண்பன் பாரியை காட்டி கொடுக்க விரும்பாத செந்தில் ஜன்னலில் இருந்து குதித்து தற்கொலைக்கு முற்படுகிறார். இந்த விபத்தின் காரணமாக கோமாவிற்கு செல்கிறார் செந்தில். இதன்பின் மெல்ல குணமடைந்து வகுப்பில் தேர்ச்சி பெற்று பாரி சொன்ன அறிவுரைகளை கேட்டு நடக்கிறார். மேலும் தனியார் நிறுவனம் நடத்தும் வேலைக்கான நேர்காணலின் போதும் அவர்கள் வியந்து போகும்படி பதிலளித்து பணிக்கு தேர்வாகிறார் செந்தில். இதற்கிடையில் வெங்கட் தனது தந்தையை சம்மதிக்க வைத்து தனக்கு பிடித்தமான புகைப்பட துறையில் வேலைக்கு செல்ல சம்மதம் வாங்குகிறார்.
செந்திலின் வெற்றியை தாங்கிக் கொள்ள முடியாத வைரஸ் கோபத்தில் இறுதி தேர்வு நடைபெறும் வினாத்தாளை மிகவும் கடினமாக தயாரிக்கிறார். ஏனெனில் தேர்வில் தோல்வியடைந்தால் செந்தில் வேலைக்கு செல்ல முடியாது என்னும் நோக்கில் அவ்வாறு செய்கிறார். இதனை அறிந்த பாரியின் காதலி ரியா வைரஸ்சிற்கு தெரியாமல் வினாத்தாள் இருக்கும் அறையின் சாயாவியை பாரி, வெங்கட் மட்டும் செந்தில் ஆகியோரிடத்தில் அவரின் திட்டத்தை தெளிவு படுத்தி சாவியை வழங்குகிறார்.
இருப்பினும் இந்நிகழ்வில் மூவரும் வைரஸிடம் கையும், களவுமாக மாட்டிக் கொள்கின்றனர். இதனால் மூவரையும் கல்லூரியை விட்டு வெளியேறும் படி கூறுகிறார் வைரஸ். இதனை எதிர்த்து ரியா கோபமாக அவரிடம் சண்டை போடுகிறார். மேலும் ஒரு எழுத்தாளர் ஆக வேண்டும் என்னும் கனவுடன் வாழ்ந்த தனது சகோதரர், தந்தை வைரஸின் IAS ஆக வேண்டும் என்னும் ஆசையால், படித்து அதில் தோல்விடைந்ததால் தற்கொலை செய்து கொண்ட நிகழ்வையும் கூறி வைரஸின் தவறுகளை சுட்டிக்காட்டுகிறார். இதற்கிடையில் கர்ப்பமாக இருக்கும் சுவேதா பிரசவ வழியில் துடிக்கிறார். அனால் பலத்த இடியுடன் கூடிய மழை பெய்ததால் ஊர் முழுவதும் வெள்ளத்தால் சூழப்பட்டு ஸ்வேதாவால் மருத்துவமனையை அடைய முடியாத நிலை ஏற்படுகிறது.
இதனை கண்டு பாரி தான் பிரசவத்திற்கு உதவி செய்வதாக வைரஸிடம் கூறி தனது நண்பர்களுடன் சேர்ந்து இன்வெர்டர் ஒன்றை அமைத்து பிரசவத்திற்கு வழிவகை செய்கிறார். பிரசவத்திற்கு ரியா மருத்துவர் என்ற முறையில் காணொளி மூலம் உதவி செய்து ஒருவகையாக குழந்தை பிறக்கிறது. அனால் மூச்சு பேச்சின்றி பிறந்த குழந்தையை பாரி பிழைக்க வைக்கிறார். இதனை கண்டு வியந்த வைரஸ், பாரி மற்றும் அவர்களின் நண்பர்களை மன்னித்து அவருக்கு முன்னாள் பேராசிரியரால் பரிசாக வழங்கப்பட்ட வானியல் பேனாவை பாரிக்கு பரிசளிக்கிறார். பிறகு இறுதித் தேர்வில் அனைவரும் தேர்ச்சி பெற்று பொறியியல் பட்டத்தை பெறுகின்றனர். அதன்பின் பாரி யாரிடமும் சொல்லாமல் விலகி தனிமையில் சென்றுவிடுகிறார்.
பத்து ஆண்டுகளுக்குப் பிறகு, இப்போது புகழ்பெற்ற வனவிலங்கு புகைப்படக் கலைஞராக உள்ள வெங்கட் மற்றும் திருமணமாகி ஒரு நல்ல நிறுவனத்தில் பணியில் இருக்கும் செந்தில் சைலன்சரால் பாரியை காண அழைக்கப்படுகினர். அங்கு சைலென்சர் தான் பாத்து வருடங்களுக்கு முன்பு செய்த சபதத்தை பற்றி கூறி வெங்கட் மற்றும் செந்திலை வெறுப்பேற்றுகிறார். மேலும் அமெரிக்காவில் ஒரு நிறுவனத்தில் துணைத்தலைவராக இருக்கும் சைலென்சர் அங்கு திருமணம் செய்து கொண்டு குழந்தைகளோடு வாழ்ந்து வருவதை கூறுகிறார். அவர் இந்தியாவில் கோஸன்ஸி பசப்புகழ் என்னும் புகழ்பெற்ற விண்யானியுடன் தொழில் தொடர்பாக ஒப்பந்தம் கையெழுத்து வாங்க வந்ததாகவும் கூறுகிறார். மேலும் பாரியைக் கண்டுபிடித்து அவர் இவரை விட வெற்றிகரமான இடத்தில இருக்கிறாரா என கண்டறிந்து அவரை கேலி செய்ய வேண்டும் என்ற நோக்கத்தில் சைலன்ஸர் தேடுகிறார். இவ்வாறு பாரியின் முகவரியை ஒருவழியாக மூவரும் கண்டறிந்து அவரின் வீட்டிற்கு செல்லும்போது அங்கு முற்றிலும் மாறுபட்ட ஒருவரை பஞ்சவன் பாரிவேந்தர் என அறிந்து குழப்பத்திற்காளாகின்றனர்.
பின்னர் பாரிவேந்தனிடம் சண்டையிட்டு, வெங்கட் மற்றும் செந்தில் ஆகியோர் தங்கள் நண்பர் உண்மையில் பப்பு என்ற புனைப்பெயர் கொண்ட ஒரு ஆதரவற்ற வேலைக்கார சிறுவன் என்பதை அறிந்து கொள்கிறார்கள். பா ரிவேந்தனின் வீட்டில் பணிபுரிந்த பப்பு, படிப்பில் ஆர்வம் காட்டினார். அதே நேரத்தில் பரிவேந்தன் படிப்பை விரும்பாமல் நேரத்தை செலவிடுவதில் ஆர்வம் காட்டியது அவரது தந்தையிடத்தில் கோவத்தை ஏற்படுத்தியது. எனவே சிறுவனின் புத்திசாலித்தனத்தை கவனித்த பரிவேந்தனின் தந்தை, பப்புவை ஒரு வேலைக்காரனாக வேலை செய்வதற்குப் பதிலாக பாரிவேந்தன் இடத்தில் படிக்க அனுமதி வாங்கிக்கொண்டார்.
பட்டம் பெற்ற பிறகு, பப்பு அவனுடனும் அவரது குடும்பத்தினருடனான எல்லா தொடர்புகளையும் நிறுத்த வேண்டும் என ஒப்பந்தம் செய்து கொண்டனர் . பப்பு இப்போது தனுஷ்கோடியில் பள்ளி ஆசிரியராக இருப்பதை பாரிவேந்தன் கூறுகிறார். இன்னொருபுறம் "பாரி" காணாமல் போயுள்ளதால், ரியா தனது முன்னாள் காதலனை திருமணம் செய்து கொள்ள முடிவு செய்து கல்யாண வேலைகள் நடந்து கொண்டிருக்கின்றன. இதனை அறிந்த வெங்கட் மற்றும் செந்தில் கல்யாணத்திலிருந்து ரியாவை அழைத்துக் கொண்டு சைலென்ஸருடன் தனுஷ்கோடிக்கு செல்கின்றனர்.
நீண்ட நாட்களுக்கு பிறகு வெங்கட் செந்தில் மற்றும் ரியா ஆகியோர் தனது கல்லூரி நண்பனுடன் இணைகிறார்கள். ஒருவருக்கொருவர் தங்களது அன்பினை வெளிப்படுத்திக் கொள்கிறார்கள். அப்போது சைலன்சர் பாரியிடம் சென்று ஒரு சாதாரண பள்ளி ஆசிரியரான நீ நமது பந்தயத்தில் தோற்றுவிட்டாய் என கூறி கேலி செய்து அவர் தோற்றதற்கான ஒப்பந்தம் ஒன்றை அவரிடம் கையெழுத்திடும்படி கூறுகிறார். மேலும் கையெழுத்திட பாரி, வைரஸ் கொடுத்த வானியல் பேனாவை உபயோகிக்கும்போது அதனை தடுத்து இது வெற்றிபெற்ற என்னிடம் தான் இருக்க வேண்டும் என கூறி பறித்து செல்கிறார். அதன்பின் அவர் தேடிவந்த கொசன்சி பசப்புகள் பாரி தான் என தெரிந்தபின்பு தன்னுடைய தோல்வியை ஒப்புக்கொண்டு அவரிடம் மன்னிப்பு கூறுகிறார்.
விமர்சனம் :
3 இடியட்ஸ் திரைப்படம் வெளியாகி மக்களிடம் பெரும் வெற்றியை பதிவு செய்த பின் அதன் தமிழ் ரீமேக் இயக்குனர் ஷங்கரால் உருவாக்கப்பட உள்ளது என்ற செய்தி வெளிவந்ததும் ஒருவிதமான எதிர்மறை கூற்றுகளும் வெளிவந்தன. அனால் படம் வெளியானதும் அனைவரது வாய்களையும் சங்கர் மூடிவிட்டார் என்றே கூறலாம். வெங்கட் மற்றும் செந்தில் அறிமுகப்படுத்தப்பட்ட முதல் சில காட்சிகள் மிகவும் எதார்த்தமாக அமைக்கப்பட்டுள்ளன.
பாரியின் மின்மயமாக்கப்பட்ட ஸ்பூன் காட்சி அறிமுகப்படுத்தப்பட்டபோது, நிறைய ஒப்பீடுகள் பார்க்கப்பட்டன. அனால் அவை அனைத்தும் படம் மேல்நோக்கி போகும்போது மறைந்து விடுவதாய் உள்ளன. படத்தில் மூன்று கல்லூரி மாணவர்களின் நட்பு மிகவும் அழகாக காட்டப்பட்டுள்ளது. நடிகர் ஜீவா செந்தில் கதாபாத்திரத்தில் அசத்தியுள்ளார் என்றே கூறலாம். விஜய் பாரியாக ஒரு அற்புதமான நடிப்பை வெளிப்படுத்தியுள்ளார்.
விஜய் வசந்தின் இறுதிச் சடங்கில் சத்தியராஜுடன் விஜய் முழு விரக்தியுடன் பேசும் காட்சிகள் மிகவும் அழகாக வெளிப்படுத்தப்படுகிறது. விஜய் வசந்தின் இறுதிச் சடங்கிற்கு பின் சத்யராஜுடன் விஜய் நடத்தும் விவாதம் அழகாக அமைந்துள்ளது. ஜீவாவின் வீட்டை விட்டு வெளியே நடந்து செல்லும் மூன்று நண்பர்களும் ஜீவாவின் குடும்பத்தைப் பற்றி கேலி செய்வது இயற்கையாக காட்டப்பட்டுள்ளது.
மேலும் விஜய் மற்றும் இலியானாவின் காதல் காட்சிகள் கண் கவரும் வகையில் பாடமாக்கப்பட்டுள்ளன. ஹரிஸ் ஜெயராஜ் அவர்களின் இசை படத்திற்கு வலு சேர்த்துள்ளது என்றே கூறலாம். ஒரு வித்யாசமான நண்பன் என்னும் கதையை உருவாக்கி ஷங்கர் மீண்டும் தனது திறமையை நிரூபித்துள்ளார் என்று தான் கூற வேண்டும்